Тошкентдаги хусусий клиникалардан бирида 9 ёшли бола ринопластика жарроҳлиги пайтида ҳаётдан кўз юмди. Воқеа шундан сўнг прокуратура томонидан жорий этилган терговга қадар текширувни бошлашга сабаб бўлди. Ҳодиса 25 август куни содир бўлган. Маълумотларга кўра, бола бир ҳафта аввал клиникада тиббий кўрикдан ўтган ва 25 август куни бурунни тиклаш учун жарроҳлик амалиётига топширилган. Афсуски, операциядан кейин у ҳушига келмади ва вафот этди.
Бош прокуратуранинг матбуот котиби Ҳаёт Шамсуддинов ушбу фожиани тасдиқлаб, текширувнинг бошлангани ҳақида хабар берди. Унинг сўзларига кўра, 2016 йилда туғилган бемор билан боғлиқ ҳолат бўйича Мирзо Улуғбек тумани прокуратураси текширув ишларини олиб бормоқда.
Прокуратура ишни ҳар томонлама, холис ва тўлиқ текширишни таъкидлаб, натижада қонуний қарор қабул қилиниши кераклигини қайд этди. Шунингдек, бу ҳолат аҳолининг тиббий хизматларга бўлган ишончини қайта кўриб чиқишга олиб келиши мумкин.
“Zamin”ни Telegram'да ўқинг! 
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
