Ўзбекистонда октябрь ойи бўйича энг кўп юклаб олинган иловалар рейтинги янгиланди. Миллий бозорда рақобат тобора кучайиб бораётган бир пайтда, ChatGPT яна биринчи ўринни қайтариб олди. Бу ҳақда илова бозори таҳлилчилари маълум қилди.
Охирги тўрт ой давомида турли иловалар ўртасида кескин рақобат кузатилган эди. Бироқ ChatGPT’нинг янгиланган имкониятлари ва кенгайтирилган функционали фойдаланувчилар оқимини яна кўпайтирган. Бу илова Ўзбекистон фойдаланувчилари орасида билим, маълумот ва технология соҳаларида фойдаланиш учун асосий манбага айланиб бормоқда.
Октябрь ойи натижаларига кўра, умумий рейтинг қуйидагича шаклланган:
1.ChatGPT
2.imo
3.Instagram
4.JanaTube
5.Uzum Market
6.MyGov Uz
7.eMaktab.Oila
8.Soliq
9.CapCut
10.Telegram
Мутахассисларнинг таъкидлашича, Россияда Telegram ва WhatsApp илованинг вақтинчалик чекланиши ортидан Ўзбекистонлик меҳнат мигрантлари орасида imo иловасидан фойдаланиш кескин кўпайган. Шу сабабли, imo янги фойдаланувчилар сони бўйича иккинчи ўринни эгаллади.
Шу билан бирга, Uzum Market умумий рейтингда бироз пастлаган бўлса-да, маҳаллий иловалар қаторида ҳали ҳам етакчиликни сақлаб турибди. Онлайн савдо ва тўлов хизматларига бўлган талаб юқори бўлиб қолмоқда.
Маҳаллий иловалар бўйича октябрь ойи рейтинги қуйидагича:
Uzum Market
MyGov Uz
eMaktab.Oila
Soliq
xazna
Uzum Bank
CLICK Evolution
Safe Road YHXX
Payme
alif mobi
Таҳлилчилар фикрича, келгуси ойларда ҳам ChatGPT ўз етакчилик позициясини сақлаб қолиши эҳтимоли юқори. Маҳаллий иловалар орасида эса рақобат янада кучайиши, айниқса молиявий хизматлар ва электрон таълим платформалари фойдаланувчилар сони бўйича юқори ўсишни қайд этиши кутилмоқда.
“Zamin”ни Telegram'да ўқинг!
