Ўзгидрометнинг сўнгги маълумотларига кўра, декабрнинг илк кунлари мамлакатимизда барқарор, қуруқ ва нисбатан илиқ об-ҳаво сақланиб туради. 1–3 декабр орасида республиканинг барча ҳудудларида ёғингарчилик кутилмайди, осмон очиқ бўлиб, кундузги ҳарорат аста-секин кўтарилиши кузатилади.
Мутахассислар айтишича, 3 декабр куни аҳоли қуёшли ва илиқ об-ҳаводан баҳра олади — ҳаво ҳарорати кундузи +13 даражагача кўтарилиши кутилмоқда. Қиш фасли бошланганига қарамай, бу кунлар баҳорни эслатувчи енгил илиқлик билан ўтади.
Бироқ ортидан об-ҳаво яна ўзгариши кутилмоқда. 4–5 декабр кунлари республикага нам ва бироз совуқ ҳаво ҳаракати кириб келади. Бу вазият айрим ҳудудларда ўзига хос ўзгаришларга сабаб бўлади:
– Шимолдан ташқари кўплаб вилоятларда ёмғир ёғиши мумкин.
– Тоғ ва тоғолди ҳудудларда эса ёғингарчилик аралаш шаклда — ёмгир ва қор кўринишида кузатилиши эҳтимол.
– Ҳарорат кундузи +6…+11 даражагача пасаяди.
– Кечалари эса 1–5 декабр давомида –3...+2 даража атрофида бўлиши кутилмоқда.
Шамол асосан шарқ йўналишидан ўртача тезликда эсади, айрим ерларда туман тушиши мумкин. Бу эса эрталабги йўлларда ҳаракат хавфсизлигига эътиборни янада оширишни талаб қилади.
Тошкент шаҳрида ҳам ўхшаш манзара кузатилади. Пойтахтда 1–3 декабр кунлари ёғингарчилик кутилмайди, кундузи ҳаво +13…+15 даражагача илиқ бўлади. Лекин 4–5 декабрда туманли ва сокин об-ҳаво ўрнини вақти-вақти билан ёғадиган енгил ёмғир эгаллайди. Ҳарорат кундузи +8…+11 даража, кечалари эса 0…+5 даража бўлиши кутилмоқда.
Юқоридаги ҳолатлар декабр боши бутун Ўзбекистон учун икки хил табиатни ўзида мужассам этганини кўрсатади: аввал илиқ ва қуруқ кунлар, ортидан эса совуқ ва нам ҳаво кириб келиши. Табиат ўзгаришлари тез-тез алмашиб турган бу кунларда аҳоли об-ҳаво маълумотларини диққат билан кузатиб бориши тавсия этилади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
