Тошкентда йўл ҳаракати ва транспорт тизимини мутлақо янги босқичга олиб чиқадиган интеллектуал транспорт тизими яратилмоқда. Бу лойиҳа президент томонидан пойтахт инфратузилмасини модернизация қилишга қаратилган қарор ижроси доирасида амалга оширилаётгани билан алоҳида аҳамиятга эга. Янги тизим нафақат шиддатли шаҳар ҳаётини енгиллаштиради, балки келажакда пойтахтнинг транспорт маданиятини мутлақо ўзгартиради.
Лойиҳа доирасида борди-келди ҳаракати, пиёдалар оқими ва йўловчилар ҳаракат динамикаси ҳақидаги маълумотлар замонавий видеокузатув камералари ҳамда сенсорлар орқали доимий равишда йиғилади. Ушбу улкан маълумотлар таҳлил қилиниб, светофор тизимининг иш режими реал вақтда автоматик тарзда мослаштирилади. Бу эса тирбандликларни бартараф қилиш ва йўллардаги ҳаракатни барқарорлаштиришда муҳим омилга айланади.
Шу билан бирга, агар жамоат транспорти белгиланган жадвалдан четга чиқса ёки ҳаракатда узилиш юз берса, “ақлли” система автобуслар ва махсус техникаларга устуворлик бериб, уларнинг бир маромда ҳаракатланишига ёрдам беради. Натижада йўловчилар учун жамоат транспорти янада ишончли ва мақбул воситага айланади.
Интеллектуал тизимнинг яна бир муҳим йўналиши — автотранспорт воситалари ва махсус техникалар ҳаракатини доимий мониторинг қилиш. Қурилиш техникалари фаолияти, механизмларнинг ишлаши ва уларнинг хавфсизлиги доимий назорат остида бўлади. Шунингдек, йўл-транспорт ҳодисалари хавфи юқори саналган нуқталар аниқланиб, уларни камайтириш бўйича амалдаги тавсиялар ишлаб чиқилади.
Умуман олганда, мазкур ислоҳотлар Тошкентда йўл ҳаракати хавфсизлигини ошириш, йўллардаги тирбандликни камайтириш, жамоат транспорти самарадорлигини ошириш ва шаҳар аҳолиси ҳаётини анчa енгиллаштиришни мақсад қилади. Пойтахтнинг транспорт келажаги қўлга киритилаётгани, айниқса, келгуси йилларда аҳоли кундалик ҳаётида сезиларли ўзгаришлар яратиши кутилмоқда.
“Zamin”ни Telegram'да ўқинг!
