Шавкат Мирзиёев Гуллар фестивалида қатнашди ва Наманганнинг янги рекордини кўрди
Президент Шоукат Мирзиёев Наманган вилоятига ташрифи чоғида анъанавий халқаро Гуллар фестивалида иштирок этди. Жорий йилда 65-марта ўтказилаётган 24 майдан 12 июлгача давом этадиган тадбир ва унинг кўлами туфайли хорижий сайёҳлар сони 800 минг нафарга етди. Фестивал доирасида Наманган шаҳри аҳолиси томонидан 29 миллиондан ортиқ гул кўчати қўлда экилиб, ушбу натижа "Гиннесснинг рекордлар китоби"га киритилди.
Президент Шавкат Мирзиёев Наманган вилоятига ташрифи давомида анъанавий Гуллар фестивалида иштирок этди.
Сўнгги йилларда фестивал кўлами сезиларли даражада кенгайди. Агар 2018 йилда тадбир 3 кун давом этган бўлса, 2025 йилга келиб унинг давомийлиги 40 кунга етди. Натижада хорижий сайёҳлар сони 25 минг нафардан 800 минг нафаргача ошди.
Жорий йилги 65-халқаро Гуллар фестивали 24 майдан 12 июлгача давом этади. Фестиваль доирасида Наманган шаҳри аҳолиси томонидан 29 миллиондан ортиқ гул кўчати қўлда экилиб, бу натижа расман "Гиннесснинг рекордлар китоби"га киритилди.
Маълум қилинишича, шаҳарнинг 45 та маҳалласи гулчиликка ихтисослаштирилган. Бу жараёнга 16 минг хонадон жалб қилиниб, 21 минг нафар аҳолининг бандлиги таъминланган.
Президент фестивал доирасида яратилган гул композициялари, мавзули майдонлар ва кўргазмаларни кўздан кечириб, гулчилик билан шуғулланаётган аҳоли, тадбиркорлар ва меҳмонларни қутлади.
Изоҳлар 0
…