Бугун «Қурилиш соҳасида давлат бошқаруви тизимини тубдан такомиллаштириш чора-тадбирлари тўғрисида»ги Ўзбекистон Республикаси Президентининг фармони эълон қилинди.
Фармонга мувофиқ, Ўзбекистон Республикаси Давлат архитектура ва қурилиш қўмитаси негизида Ўзбекистон Республикаси Қурилиш вазирлиги ҳамда Давлат архитектура ва қурилиш қўмитаси ҳузуридаги Ривожлантириш ва моддий рағбатлантириш жамғармаси ҳамда Таълим муассасаларини қўллаб-қувватлаш жамғармаси базасида вазирлик фаолиятини қўллаб-қувватлаш жамғармаси ташкил этилади.
Фармон билан Давлат архитектура ва қурилиш назорати инспекцияси Вазирлик ҳузуридаги қурилиш соҳасида назорат инспекцияси ҳамда Қурилишда стандартлаштириш ва сертификатлаш республика маркази Қурилишда стандартлаштириш республика маркази этиб қайта ташкил қилиниши белгиланди.
Бундан ташқари энди қурилиш-монтаж ташкилотлари реестрини юритиш тўғрисидаги талаб бекор қилинади.
Барча тадбиркорлик субъектларига Вазирлар Маҳкамаси ҳузуридаги Ўзбекистон Республикасининг ривожланиш давлат дастурларини молиялаштириш жамғармасидан молиялаштириладиган объектлар қурилиши доирасида товар (иш, хизмат)ларни харид қилиш бўйича танлов (тендер) савдоларида белгиланган тартибда иштирок этиш ҳуқуқи берилади.
Шунингдек, Вазирлар Маҳкамаси Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда қурилиш соҳасида айрим фаолият турларини лицензиялашнинг соддалаштирилган механизмини тасдиқлайди. Унга кўра, лицензия шартномасини имзолаш заруратини бекор қилган ҳолда, аниқ ва тўлиқ лицензия талаблари ва шартлари, лицензия талабгорининг лицензия талаблари ва шартларига мувофиқлигини текшириш, моддий жавобгарлик ҳамда лицензиат томонидан лицензия талаблари ва шартларига риоя этилишини назорат қилиш тизимлари соддалаштирилади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ Исроилдан юз ўгирдими? Нетаняҳу Вашингтонга бормайди
Россия қўшинлари Авдеевкадаги иккита қишлоқни эгаллаб олди
АҚШ элчиси: “Россия Украина пойтахтига гипертовушли ракеталар билан зарба берди”
АҚШ расмийлари: Миллионлаб америкаликлар хитойлик ҳакерлар ҳужумига учраган
Дубай ҳукмдорининг энг гўзал қизи қандай ҳаёт кечиради?
АҚШ полициячиларининг «ақлли қарори» Legoга маъқул келмади
Россия Украинанинг ҳарбий дрон йиғув иншоотларини йўқ қилди
Нетаняҳу Исроил делегациясининг АҚШга сафарини бекор қилди