“Зиёрат” туризми билан бир гуруҳ лондонлик сайёҳлар юртимизга келишди (фото)

  • 05 апрель 2018, 08:30
  • 1 745
  • Ўзбекистон
  • “Зиёрат” туризми билан бир гуруҳ лондонлик сайёҳлар юртимизга келишди (фото)
    4 апрель куни “Ўзбекистон ҳаво йўллари” МАК зиёрат туризми доирасида HY202 рейси билан бир гуруҳ сайёҳларни Лондондан Тошкентга олиб келди. Бу ҳақда МАК матбуот хизмати хабар бермоқда .

    Келиб чиқиши бангладешлик бўлган сайёҳларни Ислом Каримов номидаги “Тошкент” халқаро аэропортида МАК вакиллари ҳамда оммавий ахборот воситалари кутиб олишди.

    Фото:МАК матбуот хизмати
    Меҳмонлар қисқа экскурсия сафари давомида Тошкент, Самарқанд ва Бухоро шаҳарларининг тарихий диққатга молик жойларини, шунингдек, Ўзбекистондаги Ислом динининг муқаддас жойларини зиёрат қилишди.

    Фото:МАК матбуот хизмати
    - Ажойиб мамлакатингизда ўзгача руҳ билан сақланиб келинаётган меъморий ёдгорликлар, қадимий анаъналар ва урф-одатларингиз ҳақда кўп эшитганмиз ва, айниқса, ўзбек халқининг меҳмондўстлиги ҳақда, - деди журналистлар билан суҳбатда саёҳат ташаббусчиси, гуруҳ етакчиси, Манчестер университети ўқитувчиси Маҳсуд Афзал. – Биз азалдан ўлкангизга келиш ва у билан танишишни истар эдик. Бугун ана шундай имконият туғилиб турганидан бағоят хурсандмиз.

    Фото:МАК матбуот хизмати

    Фикрлар

    » » “Зиёрат” туризми билан бир гуруҳ лондонлик сайёҳлар юртимизга келишди (фото)