Йўл ҳаракати қоидалари бузилгани учун белгиланган жарималарнинг минимал миқдорини қўллаш, такроран содир этганлик учун жарима миқдорини пасайтириш, айрим ҳолларда ҳуқуқбузарликнинг оқибатидан келиб чиқиб жарима белгилаш таклиф этилмоқда.
Олий Мажлиснинг уч нафар депутати йўл ҳаракати қоидалари бузилишига оид айрим жавобгарлик чораларини енгиллаштиришни таклиф этмоқда. Kun.uz нашрининг хабар беришича, депутатлар – Э.Салихов, Ф.Ашматов ва К.Тожиев ишлаб чиққан қонун лойиҳасида қуйидаги таклифлар илгари сурилган:
- Маъмурий жавобгарлик тўғрисидаги кодексга йўл ҳаракати хавфсизлиги соҳасидаги айрим турдаги қоидабузарликларга нисбатан базавий ҳисоблашнинг «энг кам» ва «энг кўп» миқдорда белгиланган жарималарнинг минимал даражасини қўллаш;
- такроран содир этилган баъзи ҳуқуқбузарликларга нисбатан жарималар миқдорини камайтириш;
- айрим ҳуқуқбузарликларга нисбатан жарималар миқдорини оқибатидан келиб чиққан ҳолда белгилаш.
Бундан ташқари, ҳукуматнинг айрим қарорларига ҳам қуйидаги ўзгартиш ва қўшимчалар киритиш назарда тутилмоқда:
- автотранспорт воситаларини рўйхатдан ўтган ҳудудидан қатъи назар, республиканинг исталган ҳудудида техник кўрикдан ўтказишга рухсат бериш;
- ҳайдовчилик гувоҳномаларини бериш жараёнларида инсон омилини камайтиришга қаратилган замонавий ахборот-коммуникация технологияларини кенг жорий этиш;
- ҳайдовчилик гувоҳномаларини йўқотган (ўғирланган, ёнғин, табиий офат оқибатида ва бошқа ҳолларда) шахсларга дубликат бериш тартибини соддалаштириш.
Ишлаб чиқилаётган қонун лойиҳалари Қонунчилик палатасига белгиланган тартибда киритилиб, сиёсий партиялар фракциялари муҳокамаларидан сўнг, Қонунчилик палатаси ялпи мажлисларида уч ўқишда кўриб чиқилади.
Эслатиб ўтамиз, Қонунчилик палатасининг Мудофаа-хавфсизлик қўмитаси депутатлари тўхташ ва тўхтаб туриш қоидаларини бузганлик учун жарималарни камайтирмоқчи. Бундай қоидабузарлик неча марта содир этилишидан қатъи назар, жарима БҲМнинг 1 баравари этиб белгиланиши мумкин. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Италия суди Қуддус Исроил пойтахти эмаслиги ҳақида қарор чиқарди
Шавкат Мирзиёев Россия бош прокурори билан учрашув ўтказди
Халқаро жиноят судининг ордери Исроилни нега қўрқитяпти?
2026 йилда бўлажак мундиалнинг фаворитлари рейтинги тақдим этилди
22 ноябрь куни Cobalt автомобилига шартнома очилиши эълон қилинди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
