Икки агентлик Адлия вазирлигига қўшиб юборилди

Сўнгги пайтларда давлат органлари кўпайиб, маъмурий аппарат кенгайиб кетаётгани кўп танқид қилинаётганди. Адлия вазирлиги ишни ўзини ислоҳ қилиш ва ихчамлаштиришдан бошлади. Бугун бу ҳақида Президент Фармони имзоланган.

Фармонга кўра, Давлат хизматлари агентлиги ва Интеллектуал мулк агентлиги Адлия вазирлигига қўшиб юборилди. Энди улар вазирлик таркибида департаментлар сифатида фаолият юритади.

Қўшилиш натижасида Адлияда республика даражасидаги раҳбарлар сони 2 баробарга қисқарди, бошқарув ходимлари сони 110 тага камайди, вазирлик тизимидаги бошқарув тузилмалари 666 тадан 222 тага, бир-бирини такрорловчи вазифалар 34 фоизга, функциялар 46 фоизга қисқармоқда. Натижада 84,5 млрд сўм иқтисод қилинмоқда.

Туман даражасида алоҳида фаолият юритадиган 4 та тузилма бирлаштирилмоқда. Адлия бўлимлари, ДХМ, ФҲДЁ, юридик хизмат марказлари туман-шаҳар адлия бўлимлари таркибига киритилмоқда.

Вазирлик марказий аппаратидаги бошқармалар сони ҳам 24 тадан 20 тага қисқартирилди. «Рақамли адлия» тизими бунёд этилади. «Замин»ни Telegram’да ўқинг!