Хитойнинг автомобил сифати тармоғи энергия тежовчи транспорт воситаларини ишлаб чиқарадиган энг ишончли маҳаллий брендлар рейтингини тузди. Ушбу туркумга гибридлар ва электромобиллар киради.
Рейтинг 5 та категория асосида тузилган: шикоятлар ва нуқсонлар, носозлик хавфи, ишончлилик, хавфсизлик ва атроф-муҳит муҳофазаси.
Биринчи ўринни 123 балл тўплаган Voyah бренди қўлга киритди. Huawei компаниясига тегишли ARCFOX иккинчи бўлди. Geely ва Mercedes қўшма корхонасининг Smart бренди учинчи ўринни эгаллади.
Энг яхши ўнталик қуйидагича:
- Voyah
- ARCFOX
- Smart
- AION
- Hycan
- Denza
- Zeekr
- HiPhi
- AITO
- Geely Geometry
Ҳаммаси бўлиб рейтингдан 34 та бренд ўрин олган. Улардан 23 таси ўртача кўрсаткичдан юқори балл тўплаган.
Энг кам нуқсон учрайдиган автомобиллар: Voyah, ARCFOX, Smart, Aion ва Hycan. Мижозлардан энг кам шикоят тушадиган автомобиллар: Denza, Zeekr, HiPhi, AITO, Geely Geometry ва Polestar.
Рейтингдан Tesla ҳам жой олгани диққатга сазовор. Хитойликлар Илон Маскнинг автомобилларини аллақачон ўзиники деб ҳисоблашади. Tesla ушбу рейтингда атиги 22-ўринни эгаллади.
“Замин” янгиликларини “Facebook”да кузатиб боринг
