Xpeng сунъий интеллект ва илмий тадқиқотларга $1,3 млрд сармоя киритади

Xpeng компанияси бош директори Хэ Сяопэн Гуандун провинциясининг 2025-йил ривожланиш конференциясида компаниянинг илмий-тадқиқот ва инновацияларга 9,5 миллиард юан ($1,3 миллиард) сармоя киритишини эълон қилди. Бу маблағнинг 4,5 миллиард юани сунъий интеллектга йўналтирилади.

Xpeng аввал ҳам 50 миллиард юан ($6,8 миллиард) маблағни тадқиқот ва ишланмалар учун сарфлаган. Бош директорнинг фикрига кўра, автоном бошқарув технологиясидаги ютуқлар кейинги 5 йил ичида Хитой автомобил саноатини тубдан ўзгартириши мумкин. Бу трансформация Хитой автомобилсозлигига электромобиллар олиб келган инқилобдан ҳам катта бўлиши мумкин.

Ҳозирда Xpeng автомобилларининг барчаси L2 даражадаги автоном бошқарув тизимига эга, компания эса 2024-йил охиригача айрим машиналарида L3 даражасини жорий этишни режалаштирмоқда. “Замин” янгиликларини “Telegram”да кузатиб боринг