Subaru компанияси олтинчи авлод Forester’нинг янги йўлтанламас (Wilderness) версиясини расмий равишда намойиш қилди. Ушбу модель стандарт кроссовердан нафақат ташқи кўриниши, балки техник хусусиятлари билан ҳам фарқ қилади.
Янги Wilderness моделига хос жиҳатлар
Ташқи дизайн: кузови бўялмаган ҳимоя қопламалари, ўзига хос радиатор панжараси ва бамперлар, мустаҳкамланган том қопламаси ва кучли рейлинглар.
Ички салон: сувга чидамли қопламалар ва мисранг акцентларга эга замонавий интерьер.
Техник ўзгаришлар: мустаҳкамланган осма тизими, янги пружиналар ва амортизаторлар, 236 мм баландликдаги ер клиренси (стандарт моделда 221 мм).
Шиналар: Yokohama Geolandar махсус йўлтанламас шиналари.
Двигател: 2.5 литрли, 183 от кучига эга атмосферик boxer мотор (241 Нм), вариатор Lineatronic узатмалар қутиси билан таъминланган.
Янги модель Subaru’нинг X-Mode тизими билан мослаштирилган бўлиб, унда йўлтанламас ҳаракат режимлари такомиллаштирилган.
Нархи ва чиқиш санаси
Янги Subaru Forester Wilderness 2025-йилнинг кузида сотувга чиқиши кутилмоқда. Нархи ҳали расман эълон қилинмаган, лекин аввалги авлод Wilderness модели 34 920 доллардан (тахминан 418 миллион сўм) бошланганди. Одатий Subaru Forester’нинг янги авлод версияси эса 29 810 доллардан (тахминан 357 миллион сўм) сотувга чиқарилади.
Расмий нархлар сотув бошланиши олдидан эълон қилиниши кутилмоқда.
“Замин” янгиликларини “Telegram”да кузатиб боринг 
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
