Renault компанияси Аргентинада янгиланган Renault Koleos модели сотувини бошлади. Ушбу кроссовер тез орада бошқа Лотин Америкаси давлатларида ҳам пайдо бўлиши кутилмоқда.
2016-йилдан бери ишлаб чиқарилаётган Renault Koleos Европа бозоридан чиқиб кетган бўлса-да, бошқа ҳудудларда савдоси давом этмоқда. Ушбу модель Жанубий Кореяда ишлаб чиқарилади ва аввал Samsung QM6 номи остида тақдим этилган. 2023-йилда Кореяда рестайлинг қилинган модель ўтган йили Renault бренди остида расмий равишда янгиланди. Энди эса у Лотин Америкасига ҳам етиб келди – аввалига Аргентина бозорида пайдо бўлди.
Янгиланган Koleos моделида янги Renault эмблемаси, ўзгарган олд бампер ва радиатор панжараси мавжуд. Шунингдек, 18 дюймли дисклар дизайни ҳам янгиланган. Салон ичида фақат бренд логотипи алмаштирилган.
Аргентина бозорида Renault Koleos 2,5 литр ҳажмли, 170 от кучига эга бензинли двигатель, вариатор ва тўлиқ узатмали тизим билан тақдим этилмоқда. У ягона комплектацияда сотилмоқда. Унга қуйидагилар киради: LED фаралар, чарм ўриндиқлар, 8,7 дюймли экранли мультимедиа тизими, икки зонали кондиционер, рул иситгичи, орқа камера, багажни қўлсиз очиш тизими, олти хавфсизлик ёстиқчаси, круиз назорати ва "кўр зоналар" монитор тизими.
Машинанинг нархи 44 250 000 Аргентина песосини ташкил этади (тахминан 542,6 миллион сўм). Кроссовер кейинчалик бошқа Лотин Америкаси давлатларида ҳам сотувга чиқиши кутилмоқда.
Бу орада Жанубий Кореяда Renault QM6 билан бирга Geely Monjaro базасида ишлаб чиқарилган Renault Grand Koleos ҳам тақдим этилган. Аммо у ҳозирча Корея бозоридан ташқарига чиқмаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
