Энг ишончли Хитой электромобиллари рейтинги эълон қилинди

LandRoads компанияси Хитойда ишлаб чиқарилган янги энергия (NEV) автомобилларининг сифати бўйича тадқиқот натижаларини эълон қилди. Энг кам муаммога дуч келган бренд Mercedes-Benz бўлди, BYD ва Zeekr эса ўртачадан юқори ишончлилик кўрсаткичларини намойиш этди.

Компания Хитойда 67 та NEV брендининг 7,8 мингдан ортиқ эгаларини сўраб, маҳсулот сифати бўйича хавф индексини ишлаб чиқди. Индекс қанчалик паст бўлса, автомобил шунчалик ишончли ҳисобланади.

LandRoads томонидан тузилган Хитой электромобиллари ишончлилик рейтинги:
Mercedes-Benz – 33 балл (энг ишончли)
Xiaomi SU7 – 79 балл
BMW – 80 балл
Arcfox – 93 балл

Ушбу тўртта бренд хавф индекси 100 дан паст бўлган ягона ишлаб чиқарувчилардир.

Умумий ўртача балл – 186. Шу кўрсаткичдан паст бўлган брендлар орасида Ўзбекистонда машҳур бўлган BYD (151) ва Zeekr (175) ҳам бор. Уларнинг устида Wuling (204), Deepal (205) ва Chery (241) жойлашган.

Энг ишончсиз брендлар:
Luxeed – 429 балл
Dongfeng – 447 балл
Fangchengbao – 453 балл
“Замин” янгиликларини “Telegram”да кузатиб боринг