Chevrolet компанияси Blazer EV.R деб номланган электр автомобилни намойиш қилди. У серияли Blazer билан фақат ташқи дизайн жиҳатидан ўхшаш. Аслида эса бу NASCAR мусобақаларининг электр версияси учун уч моторли прототип ҳисобланади. 1300 от кучига эга ушбу моделнинг расмий тақдимоти Daytona 500 мусобақасида ўтиши кутилмоқда.
Blazer EV.R техник жиҳатлари
Blazer EV.R NASCAR Next-Gen шассисига асосланган, бироқ у анъанавий V8 мотор ўрнига учта олти фазали электромотор билан жиҳозланган. Ушбу моторлар 15 000 айланиш/дақиқагача чиқиши ва тўлиқ ғилдирак тортиш тизими билан ҳаракатланиши мумкин. Электр тизими 78 кВт соатли суюқлик билан совутиладиган батареядан қувват олади.
Blazer EV.R ташқи кўриниши серияли Blazer кроссоверини эслатса-да, катта аэродинамик элементлар, олд бампер ва йирик орқа қанот билан жиҳозланган. Бундан ташқари, икки эшикли кузов, ён ойналарнинг йўқлиги ва хавфсизлик каркаси билан фарқланади.
Ҳозирча Chevrolet ушбу автомобилни амалий фойдаланишга чиқариш режаси йўқлигини, балки инновацион тажриба майдончаси сифатида кўриб чиқаётганини билдирди.
Blazer EV SS Daytona 500’да пейс-кар бўлади
Daytona 500 доирасида Chevrolet Blazer EV SS – 615 от кучига эга спорт кроссовери ҳам тақдим этилади. У 96 км/соат тезликка атиги 3,4 сонияда чиқа олади. Бу модел Chevrolet тарихидаги энг тез SS ҳисобланади.
Ford ҳам ўзининг Mustang Mach-E электр моделини тақдим этди. У ҳам 1300 от кучига эга ва Ford компанияси 2027-йилда “24 соат Ле-Ман” мусобақасида қатнашишини эълон қилганида намойиш қилинган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
