Хитойда баъзи автомобил ҳайдовчилари машинанинг педалларига қаратувчи видеокамералар ўрнатишни бошлади, деб naav.ru портали хабар берди. Бу усул асосан электромобил эгалари томонидан ишлатилмоқда, аммо мутахассислар фикрича, у бошқа мамлакатларда, жумладан Россияда ҳам кенг тарқалиши мумкин.
Бу ғоя КНРда Tesla автопилот тизими билан боғлиқ авариялардан сўнг пайдо бўлди. Агар авто ишлаб чиқарувчи авария учун ҳайдовчини айблашга уринса, видеоязув ҳайдовчининг педаллардаги ҳаракатини тасдиқлаб, унинг айбсизлигини исботлай олади.
Хитойда бундай ҳолатлар анча кўпайган. Илгари Tesla тормоз тизимидаги муаммолар сабабли ҳайдовчилар Илон Маскка нисбатан норозилик билдиришган. Масалан, Шанхай автокўргазмасида бир аёл Tesla автомобили томига чиқиб, баланд овозда тормозлар ишламаётганини айтган. Унинг футболкасининг ўзида ҳам: «Tesla тормозлари назоратдан чиқди» деган ёзув бўлган. Унинг Model 3 автомобилида содир бўлган ҳолатда тормозлар ишдан чиққан ва оиласи ҳаётига таҳдид туғилган.
Шунингдек, Америкада ҳам бир неча йил олдин Toyota машиналарида газ педали қисилиб қолиши билан боғлиқ катта жанжал бўлган. Бу ҳолатда бир неча ўн киши жабрланган.
Tesla эса шунга қарамай электромобиллар савдосида етакчиликни сақлаб турибди. Хитой ҳайдовчилари бу машиналардан воз кечмаяпти, аммо энди хавфсизлик учун педалларга қаратувчи камералардан фойдаланишмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
