Chevrolet Tracker нархи 7 миллион сўмга ошди

UzAuto Motors Chevrolet Tracker автомобили учун чегирмаларни камайтирди, деб autostrada.uz ёзмоқда. Бу ўзгариш ортидан Tracker Premier Plus модели 252 миллион сўмдан таклиф қилинмоқда.

Компания бу ҳақда оммавий эълон қилмасдан, чегирмаларни секинлик билан бекор қилди. Tracker моделлари учун нархлар ўртача 7 миллион сўмга ошган.

Янги нархлар қуйидагича:
Tracker Turbo 1.2 LS PLUS: 215 951 360 сўм
Tracker Turbo 1.2 LTZ PLUS: 229 108 480 сўм
Tracker Premier Plus 2025: 252 656 160 сўм
Tracker Redline: 260 474 080 сўм

Premier Plus комплектациясида қуйидаги опциялар мавжуд: рулаш, ойна ва ўриндиқларни иситиш, 6 йўналишли электрсозлама, тўнировкали ойна ва буксировка илгичи.

Таъкидлаш жоизки, Chevrolet Tracker нархи 7 миллион сўмга кўтарилган бўлса, унинг асосий рақиби Kia Sonet учун бу кўрсаткич 33 миллион сўмни ташкил этди.

Chevrolet Tracker UzAuto Motors Автомобил Нархи Кроссовер Нарх Ошиши