Россияда КGM Торрес ва КGM Рехтон нархлари сезиларли даражада арзонлашди
Россия автомобил бозорида Кореянинг KGM брендига тегишли KGM Торрес кроссовери ва KGM Rexton йўлтанламасининг нархлари сезиларли даражада арзонлашди. Ишлаб чиқарувчи тўғридан-тўғри чегирмалар миқдорини 200-300 минг рублга оширди ва харидорларга 5 йил ёки 100 минг километр масофагача расмий кафолат тақдим этади. Натижада KGM Торрес нархи 3,66 миллион рублдан, KGM Rexton модели эса 5,19 миллион рублдан бошланадиган нархларда сотила бошлади.
Россия автомобил бозорида Кореянинг КGM брендига тегишли иккита машҳур модел — КGM Торрес кроссовери ва КGM Рехтон йўлтанламасининг нархлари пасайтирилди. Ишлаб чиқарувчи тўғридан-тўғри чегирмалар миқдорини 200-300 минг рублга оширди, бу эса харидорлар учун харидни янада қулайроқ қилди. Бу ҳақда Ixbt.com хабар беради.
КGM Торрес модели учун чегирмалар комплектация ва ишлаб чиқарилган йилига қараб 450 мингдан 950 минг рублгача етади. 2024-йилда ишлаб чиқарилган автомобиллар энг катта имтиёзларга эга бўлди. Эндиликда ушбу моделнинг нархи 3,66 миллион рублдан бошланади.
КGM Рехтон йўлтанламаси учун ҳам чегирмалар ҳажми 300 мингдан 700 минг рублгача оширилди. Ушбу таклиф етти ўринли янги версияни ҳам ўз ичига олган барча комплектациялар учун амал қилади. Эндиликда Рехтон моделини 5,19 миллион рублдан бошланадиган нархларда харид қилиш мумкин.
Техник жиҳатдан автомобиллар ўзгаришсиз қолди. КGM Торрес 163 от кучига эга 1,5 литрли турбомотор ва олти босқичли Аисин автомат узатмалар қутиси билан жиҳозланган. КGM Рехтон эса 225 от кучига эга 2,0 литрли двигател, Аисин трансмиссияси ва пасайтирувчи поғонага эга тўлиқ узатмали (Парт-тиме) тизим билан таъминланган.
Компания Россия бозоридаги ўз автомобиллари учун 5 йил ёки 100 минг километр масофагача бўлган расмий кафолатни тақдим этади.
Изоҳлар 0
…