Янги BYD Hiace 07DM-i салонида ҳар томонлама шинамлик

BYD компанияси янги Hiace 07DM-i гибрид кроссоверининг салонини тақдим этди, деб speedme.ru ёзади. Янги модел нафақат технологик, балки юқори даражада шинам интерьер билан ажралиб туради. Машина беш эшикли кузовда бўлиб, “денгиз эстетикаси” остида ишланган.

Салон кенг ва замонавий бўлиб, унда қуйидаги премиум функциялар мавжуд:
Ҳарорат диапазони −6 дан +50°C гача бўлган музлатгич,
Олд ўриндиқлар учун иситиш, вентиляция ва 10 нуқтали массаж,
Олд пассажирлар учун чиқувчи оёқ таянчлар.

Машинанинг энг янгича жиҳати — Lingyuan дрон-модули. У 25 км/соат тезликда ҳаракатланаётган ҳолда ҳам учиши, 2 км радиус ичида қайтиб келиши мумкин.

Кроссовер ўлчамлари — 4880x1920x1750 мм, ғилдирак базаси — 2820 мм. Ташқи кўринишида “океан” дизайни, лазерли радар ва орқа қисмидаги “Худо кўзи” элементи алоҳида ажралиб туради.

“Замин” янгиликларини “Telegram”да кузатиб боринг