Украинада янги Ravon R4 сотуви бошланди

Яқинда GM Uzbekistan компанияси Украинада Ravon брендининг моделлар қаторини кўпайтиргани ва R4 моделини серияли ишлаб чиқиш йўлга қўйганини эълон қилган эди. Энди янги арзон тоифадаги седан Украинада ҳам сотилиши маълум бўлди.

Ravon брендининг Украинадаги расмий дилери «Укр-УзАвто» компанияси Ravon R4 моделларининг 2017 йил март ойидан сотиш бошланишини эълон қилди. Ҳозирда, Ravon брендининг расмий дилерларида ушбу автомобилга буюртма бериш мумкин.

Ravon R4 – бу B-High таснифидаги седан бўлиб, рақобатчилари орасида арзонлиги ва тўпламларининг кенглиги ҳамда техник имкониятлари билан ажралиб туради. Эслатиб ўтамиз, Ravon R4 Chevrolet Cobalt негизида ишлаб чиқилган бўлиб, унда ҳам вақт синовидан ўтган General Motors технологиялари қўлланилган. «Замин»ни Telegram’да ўқинг!