Ўзбекистон чорраҳаларида чапга бурилиш тақиқланиши мумкин

  • 10 март 2017, 14:06
  • 4 494
  • Авто
  • Ўзбекистон чорраҳаларида чапга бурилиш тақиқланиши мумкин

    Ўзбекистоннинг автомобиллар қатнови юқори бўлгани чорраҳаларида чапга бурилиш тақиқланиши мумкин, деб ёзмоқда Дарё нашри.

    Бу ҳақда 9 март, пайшанба куни Тошкент шаҳар ИИББда ташкил этилган брифингда шаҳар Йўл ҳаракати хавфсизлиги бошқармаси вакиллари томонидан маълум қилинди.

    Татбиқ этилиши режалаштирилаётган мазкур қоида шаҳарларнинг чорраҳаларида юзага келаётган тирбандликларни бартараф этишга қаратилган.

    Чапга бурилиш тақиқланган тақдирда, автотранспорт воситалари чорраҳадан тўғрига ҳаракатланиб, белгиланган жойдан қайрилиб олиши ва ўз йўналишида давом этиши мумкин бўлади.

    Қайд этиш жоиз, ҳозирги вақтда Тошкент шаҳрида янги қурилган Нурафшон айланма кўчасининг қатор чорраҳаларида жорий этиш режалаштирилаётган қоидадек манзарага гувоҳ бўлиш мумкин — чорраҳалар узра «Ҳаракатланиш тўғрига» белгиси ўрнатилган бўлиб, ундан 50—100 метр нарида қайрилиб олиш учун белгиланган жойлар бор.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Ўзбекистон чорраҳаларида чапга бурилиш тақиқланиши мумкин