Статистика: ҳар бир уй хўжалигига тўғри келадиган автомобиллар сони аниқланди
Миллий статистика қўмитасининг маълумотига кўра, 2025 йил якунларига келиб Ўзбекистонда ҳар 100 та уй хўжалигига ўртача 61 та енгил автомобиль тўғри келади. Сўнгги ўн йил давомида ушбу кўрсаткич барқарор ўсиш динамикасида бўлиб, 2010 йилдаги 21 тадан ҳозирги рақамга етди. Шунингдек, статистикада уй хўжаликларига тўғри келадиган мобил телефонлар сони анча юқори эканлиги қайд этилган.
2025 йил якунларига кўра, Ўзбекистонда ҳар 100 та уй хўжалигига ўртача 61 та енгил автомобиль тўғри келаётгани маълум қилинди. Бу ҳақда Миллий статистика қўмитаси ахборот берди.
Маълумотларда қайд этилишича, сўнгги ўн йил давомида ушбу кўрсаткич барқарор ўсиш йўналишида ўзгариб борган. Хусусан, 2010 йилда 100 та уй хўжалигига 21 та автомобиль тўғри келган бўлса, 2015 йилда бу рақам 42 тага кўтарилган.
2020 йилга келиб эса автомобиллар улуши 49 тани ташкил этган. 2025 йилга келиб эса мазкур кўрсаткич 61 тага етгани қайд этилди.
Эслатиб ўтамиз, аввалроқ Ўзбекистонда 100 та уй хўжалигига ўртача 359 та мобил телефон тўғри келиши ҳақида ҳам статистик маълумот берилган эди.
Изоҳлар 0
…