Пекинда бўлиб ўтаётган халқаро автосалонда BYD таркибига кирувчи "Янгwанг" премиум бренди ўзининг янгиланган моделларини тақдим этди. Кўргазманинг асосий янгиликларидан бири "Янгwанг U8L" узайтирилган йўлтанламаси бўлди. Ушбу моделнинг ғилдирак базаси 200 мм га оширилиб, 3250 мм га етказилди. Автомобилнинг умумий узунлиги 5400 мм ни ташкил этади. Ташқи кўринишдаги ўзгаришлар қаторида кузов рангидаги ғилдирак аркалари ва 23 дюймли махсус дисклар мавжуд. Шунингдек, мижозлар учун 24 каратли олтин билан безатилган декоратив элементларга буюртма бериш имконияти яратилди. Бу ҳақда Tarantas.news хабар беради.
"Янгwанг U8L" модели 1197 от кучи ва 1280 Нм айланиш моментига эга тўртта электромоторли тизим билан жиҳозланган. Автомобилнинг умумий вазни 4210 кг гача ошган бўлса-да, унинг динамик кўрсаткичлари юқори даражада сақлаб қолинган. Кўргазмада шунингдек, "Янгwанг U7" седани ҳам намойиш этилди. Ушбу электромобиль 1306 от кучига эга бўлиб, бир марта қувватланишда 800 км масофани босиб ўта олади. Автомобиль салонида 12,8 дюймли эгилган марказий экран ва йўловчилар учун алоҳида дисплейлар ўрнатилган.
Тадбирнинг энг шов-шувли премераси "Янгwанг U9 Хтреме" электр гиперкари бўлди. Ушбу модель атиги 30 нусхада ишлаб чиқарилади. Унинг умумий қуввати 3000 от кучидан ошади ва ҳар бир ғилдирак мустақил бошқарув тизимига эга. Электроника сониясига 100 мартадан ортиқ йўл қопламасини таҳлил қилиб, тортиш кучини тақсимлайди. Бу каби технологик ечимлар бренднинг ҳашамат ва юқори технологиялар соҳасидаги янги даврини бошлаб бериши кутилмоқда.
“Zamin”ни Telegram'да ўқинг!
