Volkswagen янги ID. Поло электромобилини 25 минг еврога баҳолади

Volkswagen компанияси Европа бозори учун янги ва ҳамёнбоп ID. Поло автомобилини тақдим этди. Бу ҳақда Ixbt.com хабар беради.

Бу модель аввалги анъанавий Поло автомобилларидан бутунлай фарқ қилади, чунки у тўлиқ электромобиль ҳисобланади.

ID. Поло моделининг таянч версияси 37 kVt/соат сиғимли батарея ва 114 от кучига эга электр мотор билан жиҳозланган.

Ушбу вариант асосан шаҳар ичида кундалик қатновлар учун мўлжалланган. Қувватни 10 фоиздан 80 фоизгача тўлдириш тахминан 27 дақиқа вақт олади.

Унинг нархи 24 995 еврони ташкил этади.

Қимматроқ модификация эса 52 kVt/соат сиғимли батарея ҳамда 211 от кучига эга двигателни ўз ичига олади. Бундай электромобиль WLTP цикли бўйича 454 километргача масофани босиб ўтиш имконини беради.

Ушбу версиянинг нархи 33 795 евро этиб белгиланган.

Volkswagen харидорлар талабини инобатга олиб, сенсорли бошқарувдан қисман воз кечди. Янги ID.

Поло моделида иқлим назорати, авария ишораси ва деразаларни бошқариш учун жисмоний тугмалар қайтарилди. Бу қадам фойдаланувчиларга қулайлик яратиш мақсадида амалга оширилди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг