Geely Galaxy бренди ўзининг янги флагман модели — Galaxy Стар 7 седанининг сотувлари бўйича ҳайратланарли натижаларни эълон қилди. Компаниянинг расмий маълумотларига кўра, модел расман тақдим этилганидан сўнг атиги 23 соат ичида Galaxy Стар 7 Max учун буюртмалар сони 10 000 донадан ошиб кетди. Бу ҳақда Ixbt.com хабар беради.
Харидорларнинг бундай юқори қизиқиши, биринчи навбатда, жозибадор нарх сиёсати билан боғлиқ. Янги автомобилнинг нархи 108 800 дан 139 800 юангача (тахминан 15 000 – 19 300 доллар) этиб белгиланган. Бундан ташқари, сотувлар бошланиши муносабати билан ишлаб чиқарувчи барча комплектациялар учун қўшимча 10 000 юан миқдорида вақтинчалик чегирма тақдим этмоқда.
Geely Galaxy Стар 7 ўлчамлари 4958 × 1915 × 1505 мм ни, ғилдирак базаси эса 2852 мм ни ташкил этади. Автомобил 541 литрли кенг юкхонага эга. Салон жиҳозлари орасида 256 хил рангли атмосфера ёритгичи ва бренднинг ҳайдовчи ҳиссиётларини таний оладиган, экранларда анимацион мимикаларни акс эттирувчи илк Эва роботи мавжуд.
Гибрид куч қурилмаси 424 от кучига эга бўлиб, максимал айлантирувчи моменти 526 Н·м ни ташкил қилади. Бу эса йирик седанга 0 дан 100 км/соат тезликка атиги 5,4 сонияда эришиш имконини беради. Шунингдек, янгилик стандарт равишда э-АWD интеллектуал тўлиқ узатмали электр тизими билан жиҳозланган бўлиб, у йўл шароитига қараб моментни реал вақт режимида тақсимлайди.
“Zamin”ни Telegram'да ўқинг!
