2021-йилдан буён Россияда Алиса овозли ёрдамчисига эга «Яндекс Авто» платформаси билан жиҳозланган 200 мингдан ортиқ Lada автомобиллари сотилди. 2024-йил ҳолатига кўра, Lada Россия бозорида Яндекс экотизими мультимедиа тизимига ягона ечим сифатида интеграция қилинган ягона оммавий бренд бўлиб қолмоқда. Бу ҳақда Ixbt.com хабар беради.
Ушбу тизим навигация, мусиқа, аудиокитоблар, браузер ва ақлли уйни бошқариш функцияларини алоҳида сервислар сифатида эмас, балки яхлит мажмуа кўринишида тақдим этади. Ҳайдовчи йўлдан чалғимаган ҳолда барча функцияларни овоз орқали бошқариши мумкин. Компания маълумотларига кўра, овозли бошқарув Lada эгалари орасида энг машҳур усулга айланган — ундан фойдаланувчилар улуши деярли 97 фоизни ташкил этади.
Бутун давр мобайнида Lada автомобиллари 100 мингдан ортиқ дастурий янгиланишларни масофавий (ОТА) тарзда қабул қилиб олди. Ушбу янгиланишлар тизимга янги функциялар қўшиш билан бирга, платформанинг умумий барқарорлигини оширишга хизмат қилди.
Ҳозирда Алиса билан жиҳозланган «Яндекс Авто» тизими Энжой Pro ва Энжой Эво мультимедиа қурилмаларига эга деярли барча Lada моделларида мавжуд. Булар қаторига Lada Гранта, Веста, Искра, Аура, Нива Травел ва Ларгус каби моделлар киради.
“Zamin”ни Telegram'да ўқинг!
