GM Uzbekistan газ баллонларини автомобиль эгасининг буюртмасига кўра ўрнатишини маълум қилди

“Ўзавтосаноат” компанияси матбуот хизмати баъзи ОАВларда бу йилнинг октябрь ойидан “GM Uzbekistan” автомобиль заводида автомобиллар газ баллонлар билан чиқарилиши ҳақида пайдо бўлган хабарга изоҳ бериб ўтди, деб ёзмоқда Kun.uz.

“Бу маълумот ҳақиқатга унча тўғри келмайди. Аслида, газ баллон қурилмаси дилерлик марказларида автомобиль сотиб олишни расмийлаштираётган пайтда бу қурилмаларни ўрнатиш истагини билдирган мижозларнинг автомобилларига ўрнатилади. Заводда ўрнатилган газ баллон қурилмасига кафолат берилади”, деб айтилмоқда хабарда.