Ўзбекистоннинг Ravon автомобиль бренди Россияда иккита янги маҳсулот – С синфли седан ва В классдаги шаҳарларга мўлжалланган кроссоверни тақдим этади. Бу ҳақда «Автостат» агентлигига асосан Кун нашри хабар берди.
Автомобиль ишлаб чиқарувчисининг вакиллари Б сегментининг субкомпакт кроссоверлари учун доимий равишда ўсиб бораётган талаб ва Россия бозоридаги С-синфнинг сезиларли улушини қайд этдилар. Шу билан бирга, компания бозорга жозибали моделларни тақдим этиши ва айни пайтда Россия Федерациясида ўз мавқеини кенгайтириши мумкин. Бу йилги натижаларга кўра, Ravon бренди сотувлар ҳажми 15 минг автомобилга, 2018 йилда эса 30 минг автомобилга қадар ошишини кутмоқда.
Бундан ташқари, ишлаб чиқарувчи Россия Саноат ва савдо вазирлиги билан РФда Ravon бренди остида автомобиллар йиғишни ташкил этиш имкониятини муҳокама қилмоқда. Ўз навбатида, Россия томони Санкт-Петербургда General Motors’нинг ҳозирча қурилиши тўхтаб қолган майдончасида машиналар ишлаб чиқариш вариантини кўриб чиқишни таклиф қилмоқда.
Ҳозирги вақтда Ravon бренди Россияда тўртта моделга эга: Gentra, Nexia, R4 седанлари ва R2 ҳэтчбеки. Барча автомобиллар «GM Ўзбекистон» компанияси заводида ишлаб чиқарилади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
АҚШ Исроилга пули тўланган бульдозерларни бермади
Фронтдаги вазият: Россия ҳарбийлари Курск областида қарши ҳужумга тайёрланмоқда
Россия Курск вилоятидаги ҳудудларини қайтариб олишга 50 минг ҳарбий тўплади
Трампнинг ўғли Зеленский яқин орада «нафақадан» маҳрум бўлишини ёзди
Украина ҚК бош қўмондони: “Фронтдаги вазият мураккаб ва кескинлашиши мумкин”
Шавкат Мирзиёев: “Фаластинлик болалар ва аёлларни беғараз даволашга тайёрмиз”
НАТО собиқ қўмондони: “Путин Украинанинг тахминан 20 фоизини қўлга киритади”
