10:53 / 28.08.2018
4 526

Автомашиналарни «тонировка» қилиб берадиган корхона номи эълон қилинди

Автомашиналарни «тонировка» қилиб берадиган корхона номи эълон қилинди
Енгил автотранспорт воситалари ойналарининг тусини ўзгартиришга (қорайтиришга) рухсатнома бериш, уни рўйхатга олиш ва рухсатноманинг амал қилинишини бекор қилиш тартиби тўғрисидаги низом Адлия вазирлигида давлат рўйхатидан ўтказилди, деб хабар бермоқда Kun.uz.

Низомга мувофиқ, рухсатнома Давлат йўл ҳаракати хавфсизлиги хизматининг ҳудудий бўлинмалари томонидан берилади.

Енгил автотранспорт ойналарининг тусини ўзгартириш (қорайтириш) ишлари эса “Инновацион лойиҳалар ва аҳолига сервис хизмат кўрсатиш маркази” ДУК томонидан амалга оширилади.

Рухсатнома олиш учун зарур бўладиган маълумотлар ва ҳужжатлар намунаси Ички ишлар вазирлигининг расмий веб-сайтига жойлаштирилади.

Шунингдек, Низом билан рухсатномани қайта расмийлаштириш, амал қилиш муддатини узайтириш, дубликатини бериш тартиблари белгиланди.

Рухсатнома 1 йил муддатга берилади, эгаси уни амал қилиш муддати тугашидан олдин фойдаланишдан воз кечган тақдирда, тўловнинг қолган қисми қайтарилмайди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)