«GM Uzbekistan»дан акция: «Spark» сотиб олганга велосипед текинга берилади

Ўзбекистон Республикаси Президенти Шавкат Мирзиёев велосипедларни ишлаб чиқаришни ва велойўлаклар сонини кўпайтириш ҳамда аҳоли соғлигини мустаҳкамлашда ёрдам берадиган велосипедда юришни оммалаштириш зарурлигини таъкидлаганди.

Ушбу таклифлар аҳоли томонидан фаол муҳокама қилинаётгани ва ижобий фикрлар билдирилаётганини ҳисобга олиб, «GM Uzbekistan» АЖ ўз навбатида мижозларнинг кайфиятини кўтариш мақсадида «Spark» харид қил – совғага велосипед ол» акцияси муддатини узайтирди.

Эслатиб ўтамиз, харидор «Spark R2 Optimum» A/T автомобилини харид қилиш вақтида велосипед учун берилган ваучер билан боғлиқ мазкур акция 30 августдан жорий қилинди. «Замин»ни Telegram’да ўқинг!