14:30 / 18.03.2019
6 300

Йил бошидан буён ўзбекистонликлар «иномарка»лар сотиб олиш учун қанча маблағ сарфлашган?

Йил бошидан буён ўзбекистонликлар «иномарка»лар сотиб олиш учун қанча маблағ сарфлашган?
Ўзбекистонда енгил автомобиллар импорти ҳажми 90 миллион доллардан ошди. Бундан Давлат статистика қўмитаси маълумотлари дарак беряпти.

Январь-февраль ойларида мамлакатга 90,5 млн долларлик автомобиллар импорт қилинди, бу ўтган йилнинг январь-февралига нисбатан қарийб тўрт баравар кўп. Таққослаш учун, 2018 йил давомида енгил автомобиллар импорти 319 миллион долларни ташкил этганди.

Юк машиналари импорти фақат 66,6%га ошди, қишлоқ хўжалиги машиналари эса қарийб 8%га камайди.

Чет эл автомобиллари импортининг ўсиши айнан январь ойида қимматбаҳо хорижий машиналарни олиб кириш енгиллаштирилгани билан боғлиқ - агар автомобиль 40 минг доллар ёки ундан қимматроқ турса ва ишлаб чиқарилган санасидан икки йил ўтмаган бўлса, унда унга ноль ставкали бож ва 20% акциз солиғи қўлланилади.

Шунингдек, 1 январдан бошлаб электрмобиллар олиб киришга ноль ставкали бож ва ноль ставкали акциз солиғи ўрнатилди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Йил бошидан буён ўзбекистонликлар «иномарка»лар сотиб олиш учун қанча маблағ сарфлашган?