Фото: Ахборот технологиялари ва коммуникацияларини ривожлантириш вазирлиги
«Ўзавтосаноат» акциядорлик жамияти ва UzAuto Motors компанияси ташаббуси ҳамда Ахборот ва оммавий коммуникациялар агентлиги томонидан тасдиқланган медиа-режа асосида пресс-тур ташкил этилди. Журналистлар сафар давомида UzSangvu, Avtooyna, Uz-Chasys, Uz-Koji, UzDongVon ҳамда UzAuto Motors (собиқ GM Uzbekistan) заводидаги ишлаб чиқариш жараёни билан танишди.
Кеча завод маъмуриятида бўлиб ўтган матбуот анжуманида компания номи ўзгариб, «GM» сўзидан воз кечилган бўлса-да, Американинг GM автомобилсозлик корпорацияси билан ҳамкорликдан воз кечилмагани, алоқалар тўхтамагани ва бундан кейин ҳам тўхтамаслиги маълум қилинди.
«Сифат компаниямиз учун муҳим ва долзарб масаладир, — деди UzAuto Motors бош директори вазифасини бажарувчи Рустам Ражабов. — Агар сифатга риоя қилмай қўйсак, GM биз билан ишлашни тўхтатиб қўяди, бунга уларнинг ҳаққи бор, ўзаро келишув ҳақидаги меъёрий-ҳуқуқий ҳужжатда шундай ёзиб қўйилган. Чунки бизда автомобиллар Chevrolet бренди остида ишлаб чиқарилмоқда, Chevrolet эса GM га тегишли. Агар бирор жиҳоз сифатсиз ёки яроқсиз бўлса, бу GM нинг иқтисодий сиёсатига, имиджига путур етказади. Шунинг учун корхонамизда ишлар, сифат назорати General Motors компанияси стандарти бўйича давом эттирилади».
Компания ребрендинги бошқа лойиҳаларга таъсир кўрсатмаслиги, хусусан, Ravon бренди ҳам ўзгартирилмаслиги қайд этилди. Айтилишича, заводда ишлаб чиқарилаётган автомобиллар хорижий давлатларга Ravon бренди остида экспорт қилиниши давом этади.
UzAuto Motors бош директори ОАВ вакиллари саволларига жавоб берар экан, янги лойиҳалар ҳақида маълумот берди.
«Ravon брендига ўхшаган янги брендлар яратилади, бу борада жиддий ва изчил иш олиб борилмоқда, — деди Рустам Ражабов. — Улар қандай брендлар эканини ҳозирча ошкор қилолмайман. Яқин кунларда хабар топасиз. Бу сюрприз бўлади». “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
22 ноябрь куни Cobalt автомобилига шартнома очилиши эълон қилинди
Италия суди Қуддус Исроил пойтахти эмаслиги ҳақида қарор чиқарди
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Халқаро жиноят судининг ордери Исроилни нега қўрқитяпти?
2026 йилда бўлажак мундиалнинг фаворитлари рейтинги тақдим этилди
