Нотўғри «тонировка» қилинган машиналар жарима майдонига тушади

  • 24 август 2019, 07:01
  • 1 599
  • Авто
  • Нотўғри «тонировка» қилинган машиналар жарима майдонига тушади
    Адлия вазирлиги масъул ходими Ғ.Примов ҳозирги кунда пул тўлаб, ойна қорайтираётган фуқаролар жаримага тортилаётгани ҳақидаги хабарларга тушунтириш берди.

    "Бугунги кунда автомашиналар ойналарини “тонировка” қилишда бир тушунмовчилик юзага келгани кузатилмоқда. Яъни ойналарни неча фоизга қорайтириш керак деган савол турли талқинларга сабаб бўлмоқда.

    Ҳукумат қарорида олд ён ойналарининг тусини ёруғлик ўтказувчанлиги 50 фоиздан кам бўлмаган даражада қорайтиришга рухсат этилган (тўлов асосида). Бу дегани олд ён ойна камида 50 фоиз ёруғлик ўтказиши шарт.

    Ушбу нормада олд ён ойналарга 50 фоизлик “тонировка” ўрнатиш учун рухсат берилмаган, аксинча, ёруғлик ўтказувчанлиги 50 фоиздан кам бўлмаган даражада қорайтиришга рухсат этилган. Яъни + 50% эмас, = 50%.

    Ҳозирда ишлаб чиқарилаётган автомашиналар ойналарининг (одатда “люкс” автомашиналар) 30 фоизгача қорайтирилган бўлишини инобатга олса, олд ён ойналарни 20 фоизгача қорайтиришнинг ўзи кифоя бўлади. Бундан ортиғи-ортиқ, белгиланган меъёрдан ошиб кетади.

    Орқа ён ва орқа ойналарга эса бунинг аҳамияти йўқ. Сабаби ушбу ойналарининг тусини ёруғлик ўтказувчанлиги чекланмаган миқдорда ўзгартиришга рухсат этилган.

    Маълумки, автомашина ойналарининг пастки қисмида ойнанинг неча фоиз ёруғлик ўтказувчанлик даражада эканлиги ёзилган бўлади.

    Одатда “оддий” синфга мансуб автомашина ойналарининг ёруғлик ўтказувчанлиги 100 фоиз, “люкс” синфига мансуб бўлган автомашина ойналарининг ёруғлик ўтказувчанлиги эса 70 фоиз бўлади.

    Шундан келиб чиқиб, автомошиналарнинг олд ён ойналарини қорайтиришда ойнанинг ўзида белгиланган ёруғлик ўтказувчанлик даражасини ҳисобга олган ҳолда, “тонировка” қилиш мақсадга мувофиқ ҳисобланади.

    Хулоса шуки, автомошиналарнинг олд ён ойналари “тонировка” қилинганда ушбу ойнадан камида 50 фоиз ёруғлик ўтиши шарт. Акс ҳолда, автомашина “жарима майдончаси”га йўл олади, ҳайдовчи эса катта миқдорда жарима тўлашига тўғри келади".

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Нотўғри «тонировка» қилинган машиналар жарима майдонига тушади