Audi фараларсиз автомобилни намойиш этди (видео)

  • 13 сентябрь 2019, 10:26
  • 1 155
  • Авто
  • Audi фараларсиз автомобилни намойиш этди (видео)
    Фото: Meduza
    Германиянинг Audi компанияси Франкфуртдаги 68-халқаро автомобиль кўргазмасига Audi Al:Trail электромобилини олиб келди. Унинг асосий ўзига хос жиҳати — фараларнинг йўқлигида, деб ёзади Daryo.

    Автомобиль концепцияси муаллифлари фаралар ўрнини LED элементлари бўлган бешта учбурчак дрон бажаради, деб ҳисоблайди.
    Улар машина олдида учади ҳамда йўлни ёритади ва ўрнатилган камералар ёрдамида ҳайдовчи олдидаги экранга йўлнинг тасвирини юборади.

    Ишлаб чиқарувчи Al:Trail’ни йўлтанламас сифатида таснифламоқда. Унинг салонида йирик габаритли юклар учун жой кўзда тутилган. Орқа ўриндиқлар ётқизилса, автомобиль беланчакка айланади. Дронлардан эса портатив ёритгич сифатида фойдаланиш мумкин.

    Ушбу автомобиль комплектациясида ҳатто бинокль ҳам мавжуд. Бир марта қувват олдирилганида автомобиль текис йўлда 400-500 километр, ўнқир-чўнқир йўлларда эса 250 километргача масофа босиши мумкин.
    Автомобилда автопилот ҳам мавжуд бўлиб, у фақат махсус йўлларда ишлайди. Ушбу автомобиль қачондир савдога чиқариладими, йўқми номаълум.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Audi фараларсиз автомобилни намойиш этди (видео)