Тошкент шаҳрининг иккита чорраҳасида хавфсизлик камарини тақмаслик ҳамда телефонда сўзлашиш каби қоидабузарликларни тест режимида қайд этувчи Хитойнинг Hikvision компанияси томонидан ишлаб чиқарилган видеокузатув камералари ўрнатилди, деб хабар берди «Дарё» нашри.
«Ҳозир бу ишлар бизнинг тизимимизни Хитой ускунасига мослаштириш ва бизнинг ёрқин қуёш нури, ёғингарчилик, ҳарорат ўзгариши каби иқлим шароитларда қандай ишлашини кўриш учун тест режимида амалга оширилмоқда», — Тошкент ЙҲХБ компьютерлаштирилган йўл ҳаракати хавфсизлигини бошқариш тизими бўлими бошлиғи подполковник Шуҳрат Муродов.
Унинг сўзларига кўра, бугунги кунда Тошкентдаги 115 та чорраҳа замонавий видеокамералар билан жиҳозланган. Улар икки турдаги қоидабузарликларни қайд этади: светофорнинг тақиқловчи сигналига ўтиш ва тезликни ошириш.
Тошкентда жами 500 дан ортиқ чорраҳалар мавжуд. 2020—2021 йиллар мобайнида уларнинг барчасига видеокузатув камераларини ўрнатиш режалаштирилган.
Қайд этилишича, шаҳарда жадал суръатларда олиб борилаётган қурилиш ишлари, уларнинг натижасида шаҳар ландшафтининг ўзгариши, шунингдек бу ишларга катта маблағ сарфлаш зарурати жараённи тезлаштиришни кечиктирмоқда.
Келгусида шаҳарда ҳаракатланиш интенсивлигини қайд этадиган ва ЙҲХБ компьютер тизими орқали светофорларнинг ишлашини автоматик равишда созлайдиган камералар ўрнатилади.
Камерларнинг чекланган миқдорда ўрнатилиши, шунингдек кўп сонли чорраҳалар, йўллар, бозорларга ўрнатишдан олдин уларни синаб кўриш зарурати билан изоҳланади.
Қайд этилишича, Тошкентнинг 115 та чорраҳасига ўрнатилган камераларга чироқ ўчиши оқибатида электр таъминоти етиб бормаган тақдирда улар автоматик равишда ушбу чорраҳаларга ўрнатиган жавонлардаги иккитадан аккумуляторга уланади ва қоидабузарликларни қайд этишни давом эттиради.
Видеокамералардан олинган маълумотлар тўғридан-тўғри ЙҲХБ компьютер тизимининг серверига ўтади, у ерда автоматик равишда қайта ишланади ва у жарима ҳақидаги маълумот почта хизмати ахборот тизимига ўтади, бу эса жаримани қўллаш тўғрисидаги хабарномаларни юборишни таъминлайди. Ушбу жараён инсон аралашувисиз амалга оширилади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
“Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради?
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди