3 106
Эски Fiat ва янги BMW краш-тести машиналарнинг хавфсизлик тизими қанчалик эволюцияга учраганини кўрсатиб берди (видео)
Фото: Dynamic Test Center
Швейцариядаги Динамик синовлар маркази экспертлари полиция ходимларига мўлжалланган BMW 525 универсалининг орқа қисми қанчалик хавфсиз эканлигини текшириб кўришга қарор қилди. Бунинг учун улар автотураргоҳда турган автомобиль «устига» эски Fiat Uno’ни ҳайдади, деб хабар беради Motor.
Синовни ўтказиш учун BMW’нинг орқа ўриндиғига учта манекен ўрнатилган бўлиб, уларга хавфсизлик камарлари тақилган. Шунингдек, зарба қанчалик кучли бўлишини кузатиш мақсадида универсал юкхонаси қурилмаларга тўлдирилган. Экспертлар катта тезликда келиб уриладиган автомобиль сифатида 1983 йилда ишлаб чиқарилган Fiat Uno’дан фойдаланган. Бу орқали улар ўнлаб йиллар давомида машиналардаги хавфсизлик тизими қанчалик ўзгарганини кўрсатиб бериш ниятида бўлган.
Италия хэтчбеки соатига 90 километр тезликда ҳаракатланиб, немис универсалининг орқасига келиб урилган. Кучли зарба оқибатида Fiat’нинг олд қисми бутунлай пачоқланиб кетган. Агар бу вақт машина ичида йўловчи бўлганида унинг авария қурбонига айланиш эҳтимоллиги жуда юқори бўлган бўлар эди.
BMW эса тўқнашув кучли бўлганига қарамай, бутун зарбани моделнинг орқа бампери қабул қилиб олган. Универсалнинг орқа ойнаси бироз дарз кетган, манекен ва юкхонадаги қурилмалар бутун қолган. Мазкур синов автомобилларнинг хавфсизлик тизими 30 йил ичида қанчалик ўзгарганига ёрқин мисол бўла олади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди