Ижтимоий тармоқда тарқаган видео муаллифи автомобиль олди-сотдиси бўлгандан сўнг, машинанинг «чиройли» рақамини мутасаддиларга қайтариб беришга мажбур бўлганини билдирган. Ички ишлар вазирлиги ушбу ҳолатга изоҳ берди.
Видео муаллифининг кадр ортидан билдиришича, у «чиройли» давлат рақамига эга машинани сотиб олади, аммо рақамни ўзида сақлаб қола олмаган. ИИВ Йўл ҳаракати хавфсизлиги бош бошқармаси бўлинма бошлиғи Муродбек Шералиев ҳолат юзасидан жавоб берди.
«Вазирлар Маҳкамасининг 2017 йил 31 августдаги 683-сонли қарорига асосан, автотранспорт воситаларига тегишли давлат рақам белгиларини аукцион савдолари орқали сотиш йўлга қўйилган. Бу қарор билан, 65та харидоргир давлат рақам белгилари учта тоифада аукционга савдоларга қўйилган. Икки йил давомида сотилган давлат рақам белгилари бўйича давр талабидан келиб чиқиб, қўшимча яна давлат рақам белгиларини аукционга қўйиш талаблари юзага келди.
Шунга асосан, 2020 йил 4 июнь куни ҳукуматнинг тегишли қарори билан 327та давлат рақам белгиси аукцион савдоларга қўйилган», — дейди у.
Нега автомобиль олди-сотдиси бўлганда айрим «чиройли» рақамлар давлатга қайтарилиши керак? Ушбу савол юзасидан Шералиев қуйидагиларни билдирди.
«Ушбу қарор қабул қилингунига қадар олинган «чиройли» давлат рақам белгилари фуқаролар томонидан ўзининг яқин қариндоши, хусусан ота-онаси, фарзандлари ва турмуш ўртоғи, ака-ука ҳамда опа-сингилларига транспорт воситаси билан ҳадя қилиниши мумкин. Шунингдек, давлат рақам белгисини ҳам бериши мумкин. Агар транспорт воситаси бўлмаса, рақамни ЙҲХБ бир йил муддатга сақлаш учун топшириши мумкин. Бунга тўлов ундирилмайди. Агар бир йил ичида уни қайтариб олиш учун мурожаат қилмаса, давлат рақам белгиси аукционга чиқарилади», – деди у.
Англашиладики, видео муаллифи харид қилган автомобиль рақами муқаддам аукцион орқали сотиб олинмаган, аммо эндиликда аукцион орқали сотувга чиқарилган рақамлар туркумига киритилди. Шу туфайли, у рақамни машина билан харид қила олмайди. Автомобилнинг собиқ эгаси эса рақамни ўзида сақлаб қолиши, уни яқин қариндошларига бериши мумкин эди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
