Тошкент марказий кўчаларида автомобилларнинг йўл бўйи пуллик тўхташ жойлари ташкил этилади

Тошкентда шаҳарнинг марказий қисмида автомобилларнинг автоматлаштирилган йўл бўйи пуллик тўхташ жойларини ташкил этиш бўйича тажриба ўтказилади.

Тошкент шаҳар транспорти ва йўл-транспорт инфратузилмасини 2025 йилгача ривожлантириш концепциясини 2022-2025 йилларда амалга ошириш бўйича “Йўл харитаси” лойиҳасига кўра, буни 2022-2025 йилларда амалга ошириш режалаштирилган.

Қайд этилишича, Тошкент шаҳрининг марказий кўчаларида давлат-хусусий шериклик тамойиллари асосида биринчи босқичда 10 та кўчада, келгусида талабдан келиб чиқиб бошқа кўчаларда ҳам автомобилларнинг автоматлаштирилган йўл бўйи пуллик тўхташ жойлари ташкил этилади.

Бундан ташқари, йирик бозорлар, савдо марказлари жойлашган ҳудудлардаги кўчаларда ҳам автомобилларнинг йўл бўйи пуллик тўхташ жойларини ташкил этиш кўзда тутилган.

Бунда, давлат-хусусий шериклик тамойиллари асосида автомобилларнинг автоматлаштирилган йўл бўйи пуллик тўхташ жойлари ташкил этилади.