Фото: «EADaily»
Россия мудофаа вазири Сергей Шойгу ва АҚШ мудофаа вазири Ллойд Остин бугун, 13 май куни телефонда мулоқот ўтказишди.
Улар сўнгги маротаба 18 февралда, Россия Украинага қўшин киритишидан аввал, мулоқот қилишган.
«Халқаро хавфсизликнинг муҳим масалалари, хусусан, Украинадаги вазият муҳокама қилинди. Суҳбат Америка томонининг ташаббуси билан ташкил этилди», — деб хабар берди РФ мудофаа вазирлиги матбуот хизмати.
Пентагон манбалари ҳам икки вазирнинг телефон суҳбати ўтказилганини тасдиқлади. Таъкидланишича, Остин «Украинада ўт очишни зудлик билан тўхтатишга чақириб, алоқани узмаслик муҳимлигини айтган».
АҚШ-Россия мудофаа вазирлари сўнгги маротаба мулоқот қилган 18 февралда Пентагон раҳбари россиялик ҳамкасбидан Украина чегаралари бўйлаб жойлаштирилган Россия қўшинини доимий дислокация жойига қайтаришни сўраганди.
Украинада ҳарбий инқироз бошланганидан бери ҳар икки ҳарбий вазир ўзаро баёнотлар қилишган. Шойгу 19 апрель куни Қўшма Штатлар ва унинг измидаги Ғарб мамлакатлари «махсус ҳарбий операцияни максимал чўзиш»га уринаётганини таъкидлаганди.
Пентагон раҳбари эса Россиянинг ядровий аслаҳалари АҚШ учун ҳозир ва келгусида жиддий муаммо бўлиб қолишини айтган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
АҚШ Исроилнинг икки вазирига санкция қўлламоқчи
Яхши пишган ва мазали анор танлашга ёрдам берадиган тавсиялар
Россия армияси Купянскка киргани айтилмоқда
АҚШ ҳарбийлари орасида ўз жонига қасд қилиш кўпайди
Рақобат қўмитаси биржада Аи-80 бензини бошланғич нархига чеклов ўрнатди
Ҳар қандай катта ёшдаги киши етук эмас
