«Град» тизими. Бобикин ва Иванов шундай қурилма билан ишлашган
Полтава области Котелевский район судида прокурор уруш қонунлари ва урф-одатларини бузишда айбланаётган россиялик ҳарбий хизматчилар Александр Бобикин ва Александр Ивановга 12 йилга озодликдан маҳрум этиш жазоси беришни сўради.
Айбланувчиларнинг адвокатлари саккиз йиллик қамоқ жазоси берилишини сўраган. Судланувчиларнинг иккиси ҳам судда ўз айбига иқрор бўлган. Суд ҳукми 31 май куни эълон қилиниши белгиланган.
Тергов маълумотига кўра, Бобикин ва Иванов «Град» қурилмаси ҳайдовчиси ва наводкачиси (нишонга олувчи) бўлган ҳамда урушнинг илк кунларида Харков областидаги жангларда иштирок этишган.
Улар Харков областидаги Казачья Лопан ва Ветеринарное посёлкаларида фуқаролик объектларига қурол қўллашда айбланмоқда.
Прокуратуранинг маълум қилишича, Бобикин ва Ивановга буйруқ берган командирларининг шахсини аниқлаш ишлари олиб борилмоқда.
«Қўшимча қиладиган гап йўқ»
Судланувчилар айбига тўла иқрор бўлишган.
«Мен ўзим айбланаётган жиноятлар бўйича айбимни тўлиқ тан оламан. Барчаси ҳақиқатан ҳам шундай бўлган. Биз Россия ва Украина ҳудудида туриб ўт очганмиз. Пушаймонлигимдан ўзга қўшимча йўқ. Мен тўла айбдорман, шунчаки ҳукмдан шикоят қила олмайман», деган судда Бобикин.
«Мен тавба қиламан ва енгилроқ жазо берилишини сўрайман», деган Иванов.
Бобикиннинг адвокати суддан ўз ҳимояси остидаги судланувчи ўз айбига иқрор бўлиб, тавба қилгани учун унга жазони 8 йилга қисқартиришни сўраган.
Ивановнинг ҳимоячиси ҳам саккиз йил сўраган. У ўз ҳимояси остидаги шахс шунчаки ижрочи бўлгани ва зарба бериш тўғрисида қарорни у қабул қилмагани, «ёмон ҳаётдан қутулиш» учун Россия армияси сафига кирганини айтиб ўтган.
«Менинг мижозим чин дилдан пушаймон. У яхши бўлмаган ҳаётдан қутулиш учун РФ армияси билан шартнома имзолаган. У оддий аскар бўлган, қарор қабул қилмаган, нишонни танламаган, шунчаки буйруқни бажарган. Бу олдиндан тил бириктирган шахсларнинг жинояти эди. Менинг ҳимоямдаги шахс - шунчаки ижрочи. Агар саккиз йиллик қамоқ жазоси тайинланса, ҳукм асосли бўлади, деб ҳисоблайман», деган адвокат Ковальчук.
Украинада бу каби жиноятлар учун 8 йилдан 12 йилгача озодликдан маҳрум этиш жазоси кўзда тутилган, муддат вазият, оғирлик даражаси ва жиноятчининг шахсига қараб турлича бўлиши мумкин.
Олдинда - янги ишлар
23 май куни Киевдаги суд Россия армияси сержанти Вадим Шишимаринни қуролсиз тинч аҳоли вакилини ўлдиришда айбдор деб топиб, умрбод қамоқ жазосига ҳукм қилди.
Шишимарин ўз айбини тан олган, аммо ҳимоя суд ҳукмига апелляция бермоқчи. Унинг устидан суд Украинада россиялик ҳарбийлар томонидан содир этилган ҳарбий жиноятлар бўйича илк суд жараёни бўлди.
Украина прокуратурасига кўра, яна минглаб шу каби даъволар кўриб чиқиш учун тайёрланмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
