Херард Пике қайлиғи Шакира билан ажрашди. Жуфтлик ушбу хабарни тасдиқлади

«Барселона» ҳимоячиси Херард Пике ва Шакира ажрашганини эълон қилди. Жуфтлик ушбу хабарни қўшма баёнотда расман маълум қилди.

- "Йўлларимиз ажралаётганидан афсусдамиз. Биз учун устун бўлган фарзандларимиз фаровонлиги учун шахсий ҳаётимизда дахл қилмаслигингизни сўраймиз. Тушунганингиз учун раҳмат", - деди Шакира.

Аввалроқ, Шакира Пикенинг хиёнат қилаётганини билиб қолганлиги туфайли у билан ажрашмоқчи эканлиги хабар қилинганди.

Пике ва Шакира 2011 йилдан буён бирга яшаб келаётган эди, аммо расман никоҳдан ўтмаган. Жуфтликларнинг икки нафар фарзанди бор: Милан (9 ёш), Саша (6 ёш). «Замин»ни Telegram’да ўқинг!