Ироқда намойишчилар парламент биносига бостириб кирди

^{Фото: shafaq.com}
Бир гуруҳ норозилик намойишчилари Бағдоддаги «яшил ҳудуд»да жойлашган Ироқ парламенти биносига бостириб кирди. Бу ҳақда Shafaq агентлиги хабар берди.

«Яшил ҳудуд» Ироқ пойтахтининг қўриқланадиган қисми бўлиб, бу ерда ҳукумат бинолари, халқаро аэропорт ва ҳарбий аэродром жойлашган.

Намойишчилар парламентга ҳужум қилиш орқали мамлакат бош вазири лавозимига Муҳаммад ас-Суданийнинг номзоди қўйилишига норозилик билдирди.

Ироқда 2021 йил октябрдан буён сиёсий инқироз давом этмоқда. Мамлакат парламенти қарийб бир йилдан буён ҳукумат таркибини шакллантира олмаяпти. «Замин»ни Telegram’да ўқинг!