Украинада Россия ўққа тутмаган битта вилоят қолди

^{Фото: «Українські Новини»}
Украинада Россия ҳужумига учрамаган ягона вилоят қолди, бу ҳақда Украина ички ишлар вазирининг ўринбосари Евгений Енин телемарафонда маълум қилди.

«Худога шукрки, битта бўлса-да, ўққа тутилмаган вилоятимиз — Черновци бор», — деди Енин.

Украина жануби-ғарбида жойлашган Черновци вилояти Руминия билан чегарадош. Фронтдан олислиги — у хавфдан тўлиқ холи дегани эмас, илгари Украинанинг қолган ғарбий вилоятларига (айримларига бир неча марталаб) Россия ракеталарда зарба берганди. «Замин»ни Telegram’да ўқинг!