Бу тангадаги шифрни бузганлар ишга олинади

^{Фото: ABC News}
Австралияда ташқи разведка хизматининг киберхавфсизлик агентлиги (Австралия сигналлар бошқармаси — ASD) 75 йиллиги муносабати билан эсдалик тангаси чиқарилди. Бу ҳақда ABC News хабар берди.

Тангада турли мураккабликдаги шифрлар акс этган, уларни буза олганларни Австралия ташқи разведкаси ишга олади.

<sup>Фото: ABC News

Фото: ABC News</sup>
ASD бош директори Рейчел Ноублнинг айтишича, танга агентлик аъзолари меҳнатини шарафлаб, кодларни бузиш эволюциясини ифодалайди.

«Иккинчи жаҳон уруши пайтида одамларимиз: ҳарбийлар, фуқаролар япон ҳарбий кодларини қоғоз ва қаламда ечиб, Япония ҳарбийлари қаердалигини кўрсатиш учун иттифоқчи кучларга юборишган», — деди Ноубл.

^{ASD бош директори Рейчел Ноубл ва мамлакат зарбхонаси раҳбари Ли Гордон.
Фото: ABC News}
Ноублнинг таъкидлашича, тангадаги кодларни ечишнинг барча тўрт босқичидан ўта олганлар бемалол Австралия сигналлар бошқармасига ишга кириш учун ариза ёзишса бўлади. «Замин»ни Telegram’да ўқинг!