14:22 / 26.12.2022

Россиянинг Бахмутдаги ҳужум тезлигини сақлаб қолиши қийин бўлади

^{Фото: Reuters}
Америка урушни ўрганиш институтининг (Institute for the study of war, ISW) янги хулосасига кўра, Россия армияси Донецк вилоятининг Бахмут ҳудудида ҳужум суръатини сақлаб қолиши қийин бўлиши мумкин.

Мутахассисларнинг таъкидлашича, Россия кучларининг имкониятларига Британия Мудофаа вазирлиги таърифлаган ўқ-дорилар тақчиллиги ҳам, сўнгги ҳафталарда «Вагнер» хусусий ҳарбий компаниясининг катта йўқотишлари ҳам таъсир қилиши мумкин.

Россиянинг Бахмутга давом этаётган ва ресурс талаб қиладиган босими Россиянинг Донбасс ҳарбий ҳаракатлар театрида узоқ муддатли мақсадларга эришиш қобилиятига путур етказиши мумкин, дейди таҳлилчилар.

Уларнинг таъкидлашича, баҳор ва ёзда рус қўшинлари Северодонецк ва Лисичанскни эгаллаш учун катта ресурс сарфлаган.

Кейинчалик Россия армияси ушбу шаҳарлар устидан назорат ўрнатишга муваффақ бўлди, аммо уларни қўлга киритиш бўйича тактик мақсадларга эришиш пировардида каттароқ операцион мақсадга эришиш - E40 трассаси бўйлаб Украина қўшинларини ўраб олиш ва охир-оқибат Донецк вилояти ғарбий маъмурий чегараларига етиб бориш имкониятини йўқ қилди, деб қўшимча қилади ISW экспертлари.

Бундан олдин ISW Путин Лукашенкони Украина билан урушга қўшилишга кўндира олмагани ҳақида хабар берганди.

Минскдаги учрашувда Путин Беларус раҳбарини билвосита тузатишга ишонтира олмай, Лукашенконинг тезисларини қабул қилгандек туюлгани бу баҳони тасдиқлайди, деди таҳлилчилар.