Фото: Туркия президентининг расмий сайти
Туркия президенти Ражаб Тоййиб Эрдўған мамлакатининг 2023 йилдаги мақсади сиёсат ва иқтисодиётда жаҳон етакчиларидан бирига айланиш эканини айтди.
«Мақсадимиз нафақат глобал сиёсат ва иқтисодиётнинг олий лигаларига кириш, балки Туркиянинг биринчи ўринни эгаллашига имкон берадиган сиёсий ва иқтисодий кучга эга бўлишдир», деди у.
Эрдўған сўзларига кўра, 2023 йил Туркия учун «ўзига хос» бўлиши керак, чунки мамлакат республиканинг 100 йиллигини нишонлайди.
«Туркия нафақат янги йилни нишонламоқда, балки республика ташкил топгани 100 йиллигини ҳам нишонлайди. Сўнгра янги даврга қадам қўяди», деб қўшимча қилди президент.
Туркия Республикаси 1923 йил 29 октябрда эълон қилинган.
Аввалроқ Ражаб Тоййиб Эрдўған Анқара Ўртаер денгизи ҳавзаси, Каспий денгизи ва Яқин Шарқдан Европага энергия етказиб берувчи марказга айланиш ниятида эканини айтган эди. Туркия президенти, шунингдек, Анқара ҳам энергетик қарамликдан қутулмоқчи эканини таъкидлади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
