Фото: «Экспресс газета»
«Вагнер» гуруҳи етакчиси Евгений Пригожин қамоқдаги аёлларни урушга жалб қила бошлади. Бу ҳақда «Рус сидяшая» жамғармаси раҳбари, журналист Олга Романова LRT.lt нашрига берган интервьюсида маълум қилди.
«Бизда мавжуд маълумотларга кўра, аёллар аллақачон фронтга жўнатилган, биринчи партия декабрь ойининг охирида Краснодар ўлкасидан олиб кетилган. Аммо уларнинг келажакдаги тақдири ҳақида ҳали ҳеч нарса билмаймиз», — дейди журналист.
Романова уларнинг жамғармасига қамоқдаги аёллардан урушга йўлланишларига қаршилик кўрсатиш учун хатлар келаётганини таъкидлайди. Янги йилдан сўнг Чеченистон қамоқхоналарида «Вагнер» гуруҳига маҳбусларни ёллаш бошланган.
«Чеченистон шундай экстратерриториал тузилмаки, у ерда нима бўлаётганини ҳеч ким билмайди. Сиёсатчиларни урушга олиб кетишади деб ўйламайман, чунки Қодировнинг рақиблари зиндонларда ўтирибди», — таъкидлади журналист.
Романованинг таъкидлашича, Чеченистон Россиянинг кўнгиллилар, ёлланма аскарларни ёллаш амалга оширилмаган сўнгги ҳудуди эди.
«Чеченистондаги қамоқхоналардан урушга ёллашга рухсат берилгани Пригожин ва Қодиров ўртасидаги шахсий келишув мавзуси. Пригожин чечен ҳокимиятини озод қилишга ҳисса қўшади ва, албатта, Қодиров ‘Вагнер’ни одамлар билан таъминлайди», — дейди у. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Орзудаги уй — қишда иссиқ, ёзда салқин. Бунга қандай эришиш мумкин?
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Ўзбекистонликлар доимий яшаш учун кўпроқ қайси давлатларга кўчиб кетмоқда?
Мессининг салкам 1 миллион долларга сотилган салфеткаси ҳақида
Шимолий Корея янги кўрсаткичларга эга баллистик ракетани синовдан ўтказди
Украина президенти маҳбусларни сафарбар қилиш тўғрисидаги қонунни имзолади
“Рома” Шомуродов учун яна 8 миллион евро харажат қилади!
Пневматик қуролларни ўз ихтиёри билан топширганлар жавобгарликдан озод этилади
