Нидерландияда фаолият юритаётган “Ватанпарвар европаликлар Ғарбнинг исломлашувига қарши” (PEGIDA) ўнг қанот экстремистик ҳаракати етакчиси Эдвин Вагенсвелд Ҳаага шаҳрида Қуръон нусхасини йиртиб ташлади.
Вагенсвелд ўзининг Twitter'ида Ҳаагадаги қонунчилик ассамблеяси биноси олдида мусулмонлар учун муқаддас китобни таҳқирлаётгани акс этган видео билан бўлишди. Экстремист бу ҳаракатни бир ўзи ва полиция ҳимояси остида амалга оширган. Расмийлар ўнг қанот радикалга Қуръонни ёқиб юбормаслик шарти билан акция ўтказишга рухсат берган.
Бироқ кейинги кадрларда Қуръоннинг йиртилган саҳифалари бошқа жойда ёқиб юборилгани акс этган.
21 январь шанба куни Даниянинг ўнг қанот экстремистик “Hard Line” партияси етакчиси Расмус Палуда Туркиянинг Стокҳолмдаги элчихонаси ёнида исломга қарши провокацияни амалга оширган эди. Швеция расмийларининг ҳаракатларига жавобан Анқара Швеция мудофаа вазири Пал Жонсоннинг Туркияга кутилаётган ташрифини бекор қилди.
Швеция ҳукумати томонидан Қуръонни таҳқирлаш актини амалга оширишга рухсат берилгани кўплаб ислом давлатларининг кескин ва салбий муносабатига сабаб бўлди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
