Фото: AP
Туркиянинг жануби-шарқий ҳудудларида кучли зилзила содир бўлганидан кейин Ўзбекистон Миллий Олимпия қўмитаси ушбу мамлакатда ўқув-машғулот йиғинини ўтказаётган ва халқаро мусобақаларда иштирок этаётган ўзбекистонлик спортчилар ҳақида маълумот берди.
Эркин кураш бўйича Ўзбекистон ёшлар миллий жамоаси Туркиянинг Қаҳрамонмараш шаҳридаги халқаро мусобақада иштирок этаётган эди. Бироқ, мазкур ҳудуд зилзила эпицентри марказига айланиб қолди. Спортчиларни Ўзбекистоннинг Туркиядаги элчихонаси ёрдами билан Анқара шаҳрига жўнатиш чоралари кўрилмоқда. Шундан сўнг улар Тошкентга қайтиб келади.
«Спортчи ва мураббийларнинг барчаси соғ-саломат», дейилади хабарда.
Шунингдек, велоспорт бўйича Ўзбекистон миллий жамоаси Алания, байдарка ва каноэда эшкак эшувчилар эса Белек шаҳрида ўқув-машғулот йиғини ўтказмоқда. Зилзила ушбу ҳудудларга катта таъсир кўрсатмаган ва машғулотлар режа асосида давом этяпти.
Қолаверса, Ўзбекистон футбол ассоциацияси ҳам Туркия йиғинида бўлиб турган бир нечта футбол клублари ва турли ёшдаги миллий жамоалар аъзоларининг саломатлиги яхшилиги ҳақида маълумот берган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
