Кеча, 2 апрел куни Санкт-Петербургдаги кафеларнинг бирида рус ҳарбий журналисти Владлен Татарскийнинг ўлимида гумонланаётган аёлнинг шахсига аниқлик киритилди.
Мамлакат ИИВга кўра, Татарскийга ҳайкалча тортиқ қилган шахс, 26 ёшли петербурглик Дарья Треповадир.
Айни пайтда Россия ИИВ томонидан Дарья Трепова қидирувга берилган. Унинг эри Дмитрий Рилов портлашни содир этишда шерик бўлганликда гумонланиб қидирилмоқда.
Айрим манбалар Трепова ва Рилов Петербургда Украинадаги урушга қарши ўтган йил февралида ўтказилган намойишларда иштирок этгани ва бу учун қўлга олингани тўғрисида маълум қиляпти. Ўшанда Рилов 9 суткага қамалган.
Дарья Трепова феминистлар ва санкт-петербурглик сиёсий фаоллар орасида «Даша Тиковка» номи билан танилган. Кафедаги портлаш арафасида у Москвадан Санкт-Петербургга қайтган. Айнан у Владлен Татарский билан учрашувга портловчи моддалар яширинган гипсли бюстни олиб келган.
“Замин” янгиликларини “Telegram”да кузатиб боринг
